رسالة إغاثة من :
منتسبي وزارة الصحة
الى :
كوادرنا التعليمية والتدريسية
قواتنا الأمنية
الحشد الشعبي
الناشطين
وسائل الإعلام
العراق بحاجة الى غيرة عراقية
" فزعة"
مثل فزعة أهل الجنوب للموصل
ومثل فزعة الأصيل للمحتاج
ومثل نشر الخيرات بطريق الحسين
ومثل كل المواقف المشرفة ...
فزعة توعية صحية وحظر تجوال وتكاتف بكل معنى الكلمة ،،،
الصين متوصل لحب العراقيين لوطنهم ، صح همه قدراتهم الصحية والمادية وتطورهم أكبر من قدرات العراقيين ،
لكن بغيرتنا بوعينا بثقافتنا نكدر نقضي على فيروس كورونا،، ونذهل العالم بإذن الله ..
نحتاج نشر الثقافة
عدونا هالمرة مينشاف ، منتشر بكل مكان ، نحتاج التزام بالبيوت ،
الشباب يدخنون نراكيل ومامهتمين ، و المواطنين يفترون بسفرات ترفيهية ، وزيارات أقارب ...
خطأ وعيونكم خطأ 🚫
الطفل الضايج من البيت ، يلعب طوبة بالشارع ، يضربها بالكاع ، ينتقل الفيروس عن طريق ايديه ،
خلي ابنك بالبيت وحافظي عالكل 🚫
بواكير الأبواب ، و مساند السيارات ،و مفرغات الماء في الحمامات كلها خطرة 🚫
تحزموا حزام تعبان لأحبابه
كلها أسبوعين
إذا عقمنا والتزمنا ، راح يموت الفيروس بإذن الله ..
جارك المعتمد على العمل كل يوم بيومه راح تجوع عياله ،
أنتبه على جارك و أسأل عنه و قاسمه رغيف الخبر ...
والأصيل ميتوصى بس يتذكر ...
أصحاب الإيجارات حاولوا تتفهمون الوضع العام ، و خففوا إيجار هالشهر ...
الفقير محتار برزقه
والضغوط ما تنعد ،،،
خففوا عن الناس
حتى الله يرحمنا برحمته الواسعة ..
👈 انشروا هذا المنشور حركوا كل المواطنين ..
👈 شاركوا
انسخوا
ساعدوا
العراق يتعافى من أخطر مرض مر بتاريخه...
بجهودكم ننتصر
و نقضي على الوباء
0 التعليقات:
إرسال تعليق