الغيره العراقية

ابو خليل

والغيرة العراقية ...

واحد يسولف يگول بالثمانينات

ركبت سيارة كوستر من الگراچ

وچان صاعد ويانه جندي ابو خليل ...

اول ما طلعنة من الگراچ السايق.. گال اخوان لموا الكروة ...

الجندي ابو خليل...گال بصوت عالي ..

ما عندي كروة ممكن واحد منكم يدفعلي ..

الغريب بالامر ولا واحد بالكوستر.

رد عليه ولا حتى السايق..

الكل سكتت...

العبرية لمت الكروة

السايق گام يحسب بالكروة..

لگة بيها ٢٤ نفر زيادة

ضحك وگال اني الگة الف زايد الفين مو زيادة ٢٤ نفر مرة وحدة..

طلع أن كل واحد بالكوستر دفع أجرة نفر زيادة للجندي..

من غير ما واحد منهم يتكلم ويگول للجندي بأن كروتك واصلة...

الأحلى لما السايق عرف ان العبرية كلها دفعتله..!!!

گال يعني واني ما الي ثواب مثلكم

وطلع الأجرة الزايدة اللي الناس دفعتها ..

وأنطاها للجندي ابو خليل..وكاله انتم فخرنا وعزنا وسور الوطن

والحمد لله الدنيا بعدهة بخير

نتحدث عل الغيرة العراقية