بالمصري ... الصورة اللي قدامك دي هو جدول ترتيب الدوري الاسباني في شهر يناير اللي فات

الصورة اللي قدامك دي هو جدول ترتيب الدوري الاسباني في شهر يناير اللي فات ! 

برشلونة وقتها استمروا لمدة 4 مباريات مبيكسبوش و كانوا في المركز التالت متأخرين عن الصداره ب 10 نقاط ! 

هانز فليك وقتها كان خسر من اتليتكو مدريد و طلع بعدها اتكلم قصاد الناس كلها و قال " أوعد الجميع ، سنعافر معا من اجل كل شئ " 

المبهر بقي ان برشلونة بعدها لعب 16 مباراة في الدوري مخسرش ولا مباراة ، كسب 14 و اتعادل 2 ، منبهرتش صح ؟

طب تخيل ان برشلونة كسبوا ريال مدريد 4 و اتليتكو 4 و سيلتا فيجو 4 و جيرونا 4 و اشبيليه 4 و سوسيداد 4 و فالنسيا 7 ، اتغاشم علي الكل حرفيا ، منبهرتش برضه ؟ 

طب تخيل ان برشلونة سجلوا 44 هدف و صنعوا 69 فرصه محققه للتسجيل في ال 16 مباراة دول بمعدل 2.75 هدف و 4.31 فرصه في كل مباراة ! 😮

في النهاية وصلنا شهر مايو و برشلونة متصدر الدوري بفارق 7 نقاط عن ريال مدريد و علي بعد نقطتين فقط من حسم الدوري بعد ما كان متأخر ب 7 و 10 نقاط من 4 شهور ، ريمونتادا مثاليه !

 هانز فليك هو أغلي هدية حصل عليها برشلونة السنة دي ❤️