قل الحمد لله ... مكالمات هاتفية تهز الجسد

اريد انقللكم كلام لأحد الموظفين  في وزارةالصحة ضمن خلية الازمة يكول:

 اصعب شيء عندي من اشيل التلفون واخابر مواطن ابلغه نتيجة التحاليل الي اخذت منه ونطلب منه يجهز نفسه علمود ينقل لمستشفى العزل مكالمات صعبة يكول اتصلت بمجموعة ومنهم 

🔸 أم لأربعة اولاد 

 يمه نتائج التحليل تستوجب ان انعزلج جهزي حالج وخلال ربع ساعه الاسعاف يمكم 

سكتت لمدة ١٠ ثواني وبعدين صرخت بصوت وهي تبجي 

فدوة عليك النبي على كييف من تجون

مااريد الجيران يضحكون على اولادي 

..................

🔸 أب لستة اولاد 

خوية طلعت نتائج التحاليل ويستوجب ان نعزلك ولو الدنيا ليل لكن جهز نفسك الاسعاف بالطريق 

خوية فدوة اروحلك بس خلوني للصبح حتى اشبع من اولادي وعائلتي  وكأنما لا قدَّر الله ما راح يشوف اهله بعد  ..

..................

🔸أم لطفل عمره 6 سنوات تبين اصابته 

تطلب ان تنحجر وياه

وتكول فدوة خلوني وياه حتى لو  اموت وي ابني وكانما لا سامح الله انه هو يموت وهي تموت بمجرد للحجر

..............

🔸طفلة بعمر 7 سنوات لزمت باب الاسعاف وما قبلت تعوف ابوها اللى راح ينعزل وتصرخ على الطاقم والله اموت بلا ابوي خلوني وياه حتى لو نموت سوه 

..........

🔸رجل بعد تشخيص حالته يطلب من الطاقم مهلة نص ساعة بس علمود اطفاله يدخلون لغرفتهم حتى مايحسون بيه ويكول مااريد يحسون بفاجعة ابوهم وكأنما هو ميت لا محال   فعلا ربما لم يعود ولم ير بعد ذلك اولاده واهله وأقاربه واصدقائه

🔸رجل فوض أمره لله بعد ان اخبرته 

 الاسعاف جايه للبيت رد عليّ وگلي زين هيه المستشفى وين اجيلكم انه أسهل....

ناس حياتها وگفت وأكل عيشها تعطل ونفسيتها تدمر أنت متخيل الضحك على هالموضوع فايروس اوقف العالم وعطل مصالح دول كبرى فيه امتحان فيه بلاء فيه منفعة فيه ضرر احسبه شلون ماتريد تحسبه لكن لابد من الوقاية والحذر اللهم احفظ الجميع يارب ,وارجع المرضى والمحتجزين لأسرهم وحياتهم سالمين متعافين يارب..