هل رش البوتاسيوم مفيد للقمح ؟ :-
هذا سؤال دائما يدور في خاطر المزارعين
الحقيقة ان رش القمح بالبوتاسيوم في مرحلة النضج اللبني milking له دور مهم وخاصة اذا صادف القمح تعطيش بسبب امتناع المزارع عن ري القمح بسبب خوف المزارع من رقاد القمح او قفل الترعة أو لاي سبب اخر – بالاضافة الا ان البوتاسيوم بيحدث زيادة في المحصول حوالي 10 % ومرحلة النضج اللبني هي بتكون فيها ما زال القمح اخضر سواء عيدان أو سبلة – وبالاضافة الى دور البوتاسيوم في امتلاء الحبوب فله ايضا دور في تعديل في اسموزية النبات وخاصة في ظروف الاجهاد .
ببساطة شديدة البوتاسيوم له دور مهم في عملية البناء الضوئي – ازاي الكلام ده ؟!!! في عملية البناء الضوئي بيدخل ثاني اكسيد الكربون من خلال الثغور – طيب الثغور بتقفل لما بيحدث اي اجهاد للنبات خصوص العطش وبالتالي مش هيدخل ثاني اكسيد الكربون وبالتالي مفيش بناء ضوئي !!! – طيب مين المسئول عن فتح الثغور في وجود هذه المشاكل – صاحبنا المحترم البوتاسيوم .
طيب عشان ما نهرسش في القمح ونكسر العيدان افضل نضيف البوتاسيوم حقناً مع الري – والناس اللي زارعه مصاطب ممكن ترش ودي ميزة من ميزات زراعة المصاطب وهي اني ممكن ارش في اي وقت و بسهولة .
د/ فيصل يوسف – مركز البحوث الزراعية
0 التعليقات:
إرسال تعليق