👇
و انت خسران 4 / 2 من بنفيكا لحد الدقيقة 68 كنت تتخيل تعمل ريمونتادا و تكسب 5 / 4 في النهاية ؟
و انت خسران 2 / 0 من اتليتكو مدريد لحد الدقيقة 70 كنت تتخيل تعمل ريمونتادا و تكسب 4 / 2 في النهاية ؟
و انت خسران 3 / 1 من سيلتا فيجو لحد الدقيقة 62 كنت تتخيل تعمل ريمونتادا و تكسب 4 / 3 في النهاية ؟
و انت خسران 2 / 1 من ريال مدريد في نهائي الكاس لحد الدقيقة 76 كنت تتخيل تعمل ريمونتادا و تكسب 3 / 2 في النهاية ؟
طب لما اتطرد منك تشيزني في نهائي السوبر امام ريال مدريد كنت تتخيل انك تنهي المباراة و انت كسبان ؟
طب لما اتطرد منك كوبارسي في مباراة بنفيكا و النتيجة لسة تعادل سلبي كنت تتخيل انك هتكسب في النهاية و خارج ملعبك ؟
كلها مواقف فسرها هانز فليك امبارح في جملة واحده " هذا الفريق لا يستسلم ابدا "
انت كان بيتعمل عليك ريمونتادا قبل كدة ، دلوقتي انت بقيت ملك الريمونتادا في الموسم الحالي ، هانز فليك خلاك قوي و صلب ذهنيا و كسرلك الحاجز النفسي ده !
افرح بفريقك مش عشان بس هو بيكسب و كسب بطولتين لحد دلوقتي ، لكن عشان فريقك بيحاول لحد اخر نفس عنده لحد اخر دقيقه في كل مباراة 👏❤️
0 التعليقات:
إرسال تعليق