ميسي بعد ما خرج من برشلونه سجل 45 هدف رونالدو فقط مع النصر سجل 71 هدف

البوست ده انا شوفته في كذا صفحه حمدونيه مدريديه و هما طبعا كعادتهم بيفبركو و بيكدبو والناس اللي متابعين الصفحات بتاعتهم شغالين بقي لايكات و شوف ميسي فاشل قد ايه و رونالدو لسه بيعافر و يسافر و يطلع نار من بوقه

اولا ميسي سجل مع باريس 32 هدف و مع ميامي 28  هدف يعني مع الانديه سجل 60 هدف و مع المنتخب في الفتره دي سجل 21 يعني ميسي سجل 81 هدف مش 45 هدف  منهم خمس اهداف في إقصائيات كأس العالم 2022 اللي رونالدو طول تاريخه مقدرش يسجل هداف واحد في إقصائيات كأس العالم و كمان منهم هدفين في نهائي كأس العالم و طبعا رونالدو يسمع عن نهائي كأس العالم ده في الأحلام 

ثانيا لو فرضنا انه ميسي سجل 45  هدف زي ما جمهور رونالدو بيقول طيب يا حمدون منك له ال 45 هدف دول كانو سبب في فوز ميسي بالكوبا مرتين و الفيناليسما و كأس العالم طبعا الحراق المشطشط وكمان 2 دوري فرنسي و سوبر فرنسي و كأس الدوريات الأمريكي يعني 45 هدف ب 8 بطولات 

إنما بقي المنتهي بتاعكم عمل ايه بال 71 هدف بتوعه لعب 8 بطولات مع النصر خسر ال 8 بطولات و مفازش معاهم بأي بطوله و عشان حمدون ميزعلش هنحسب البطوله العربيه الوديه يعني 71 هدف و النتيجه الفوز ببطوله واحده  

المشكله يا حمدون منك له مش في عدد الاهداف المشكله في قيمة الاهداف دي ايه معني انك تسجل 71 هدف و النتيجه ولا حاجه إنما ممكن تسجل 20 هدف لكن ال 20 هدف انت حسمت بيهم بطولات ايه معني انك تسجل علي ضمك و الاخدود و الحزم و في المباريات الكبيره المهمه انت مش موجود اساسا و بتكون عاله علي الفريق 

بطلو كدب يا حمادنه و تزوير في الارقام